Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада медицина хезмәткәрләренә багышланган үзенчәлекле күргәзмә ачылды
Түбән Каманың 55 еллыгы уңаеннан шул санда портретлар сайлап алынган.
(Казан, 22 июнь, «Татар-информ»). Түбән Каманың Халык иҗаты йорты янындагы мәйданда үзенчәлекле күргәзмә оештырылды. Күргәзмәдә коронавирус инфекциясенә каршы көрәштә түбәнкамалылар сәламәтлеге сагында торган 55 медицина хезмәткәренең фотосурәтләре урын алган.
Әлбәттә, бүген һәр медик — герой. Түбән Каманың 55 еллыгы уңаеннан шул санда портретлар сайлап алынган. Шулай ук күргәзмә традицион рәвештә июнь аеның өченче якшәмбесендә билгеләп үтелә торган Медицина хезмәткәрләре көненә туры китерелгән, ә төп тантана бүген Халык иҗаты йорты сәхнәсендә узачак. Бу турыда Түбән Кама муниципаль районы рәсми сайтында хәбәр ителә.
Күргәзмәдә йогышлы авырулар госпитале табиблары, шәфкать туташлары, фельдшерлары һәм санитаркалары, ашыгыч медицина ярдәме станцияләре, сырхауханәләр, лабораторияләр, нур диагностикасы бүлеге белгечләренең фоторәсемнәре бар. Шулай ук Кама Аланы район хастаханәсеннән һәм диспансерлардан госпитальгә эшкә килгән хезмәткәрләрнең дә портретлары куелган.
Хәзер СOVID-госпиталь пациентлары һәм башка түбәнкамалылар пандемиянең иң авыр чорында кызыл зонада көнне төнгә ялгап хезмәт куючыларны таный алачак.
Кызыклы яңалыкларны күзәтеп бару өчен Телеграм-каналга язылыгыз