Җәмгыять 22 июнь 2021 10:21

Һиндстан Covid-19 штаммының башка коронавирустан аермасы билгеле

Һиндстан Covid-19 штаммы һәм аның мутациясе күзәнәкләргә үтеп кергәндә антитәнчекләргә бирешмәве белән куркыныч.

Скопировать ссылку

(Казан, 22 июнь, «Татар-информ»). Һиндстан Covid-19 штаммы һәм аның мутациясе күзәнәкләргә үтеп кергәндә антитәнчекләргә ныклыгы белән куркыныч. Бу хакта РИА Новости корреспондентына Гамалея исемендәге үзәк директоры Александр Гинцбург хәбәр итте.

Ул вирусның бу варианты кеше күзәнәкләре белән башкача бәйләнештә торганлыгын әйтте.

«Ул күзәнәкләрне җимерми, ә берсеннән икенчесенә күчеп, күп төшле күзәнәкләр хасил итә, — дип аңлатты Гинцбург. — Шул рәвешле, ул инде эчкә үтеп кергәч, канда циркуляцияләнә торган антитәнчекләргә бирешми, бу аның хәйләсе».

Үзәк җитәкчесе сүзләренчә, «Спутник V» вакцинациясе вакытында барлыкка килә торган антитәнчекләр запасы, коронавирусның ачыкланган барлык вариантларыннан яклау өчен, шактый югары.

Б.1.617 штаммы узган елның октябрь башында Һиндстанның Махараштра штатында ачыкланган, соңгы вакытта ул күп илләргә таралган. Мәскәү мэры Сергей Собянин әйтүенчә, коронавирус белән авырганнарның 90 процентында «дельта»-вариант тапканнар.

Сәхифәләр

Һиндстан Covid-19 штаммының башка коронавирустан аермасы билгеле