Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Табиб Россиядә туберкулез авыруы киң таралырга мөмкин дип кисәтте
Чит илләрдә 100 мең кешегә туберкулез белән авыручы – 10, ә Россиядә 60-100 кеше туры килә.
(Казан, 22 март, «Татар-информ»). Россиядә коронавирус пандемиясе аркасында туберкулез авыруы киң таралырга мөмкин, дип кисәтте табиб һәм телетапшырулар алып баручы Александр Мясников URA.RU сайтына биргән интервьюсында. Бу хакта РИА Новости агентлыгы хәбәр итә.
Ул әлеге авыруның беркая да китмәвен, яңа төрдәге COVID-19 коронавирус инфекциясе аркасында кешеләрнең тикшеренү узмавын искәртте.
«Безне яңа дулкын көтә – моны 100 процентка ышанып әйтергә мөмкин. Безнең хәлебез яхшы түгел. Россиядәге вазгыять Европа илләре һәм Америкадагыдан да начаррак», - диде табиб һәм чит илләрдә 100 мең кешегә туберкулез белән авыручы – 10, ә Россиядә 60-100 кеше туры килүен билгеләп үтте.
Моннан тыш, Мясников сүзләренчә, инфекциянең антибиотикларга каршы торучанлыгы аркасында туберкулезны дәвалау мөмкинлеге кими.
Кызыклы яңалыкларны күзәтеп бару өчен Телеграм-каналга язылыгыз