Җәмгыять 21 май 2021 16:06

Татарстанда Covid-19ның Британия штаммы белән авыручылар саны 24кә җитте

Коронавирусның Британия төре белән авыручыларның күпчелеге Казанда, алар - 22 кеше, Балык Бистәсе һәм Югары Ослан районнарында берәр очрак теркәлгән.

Скопировать ссылку

(Казан, 21 май, «Татар-информ»). Татарстанда тагын алты кешедә яңа коронавирусның Британия штаммы табылган. Бу хакта «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде.

«Бүгенге көндә Татарстан Республикасында Британия штаммнарының 24 очрагы теркәлде», — диде спикер.

Коронавирусның Британия төре белән авыручыларның күпчелеге Казанда ачыкланган, алар — 22 кеше. Балык Бистәсе һәм Югары Ослан районнарында тагын берәр зарарлану очрагы теркәлгән.

Элегрәк «Татар-информ» Covid-19ның мутацияләнгән штаммы белән авыручы 18 кеше турында хәбәр иткән иде.

#коронавирус

Сәхифәләр

Татарстанда Covid-19ның Британия штаммы белән авыручылар саны 24кә җитте