Айрат Фәррахов коронавирус инфекциясен яшьләр дә йоктырырга мөмкин икәнлеген әйтте

Депутат яшьләрне профилактика чараларын төгәл үтәргә чакырды.

(Казан, 21 март, «Татар-информ»). РФ Дәүләт Думасына Татарстаннан сайланган депутат Айрат Фәррахов коронавирус инфекциясен яшьләр дә йоктырырга мөмкин икәнлеген әйтте.

«Элеккеге мәгълүматларга карамастан, яшьләрнең дә коронавирус инфекциясе белән авыруына бәйле яңа дәлилләр бар», - дип язган депутат Instagram социаль челтәрендәге үз сәхифәсендә.

Ул билгеләп үткәнчә, өлкән яшьтәге кешеләр чиргә ныграк бирешә. Әмма Италия һәм Франциядә коронавирус белән 20 яшьлек егетләр һәм кызлар да чирләгән.

Айрат Фәррахов яшьләрне профилактика чараларын төгәл үтәргә чакырды.

«Яшьләргә мөрәҗәгать итеп шуны әйтәсем килә - Covid-19 коронавирусы таралу чылбырының бер буынына әверелмәсәгез иде», - дип язган депутат.