Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда коронавирус белән авырган 170 кеше тернәкләнү уза
Чаллы халкы сулыш гимнастикасы белән шөгыльләнә, шулай ук алар аяк-кул мускулларын ныгыту өчен дәвалау физкультурасы буенча шәхси дәресләргә йөри.
(Чаллы, 20 август, «Татар-информ», Эльвира Мөхәммәтдинова). Чаллыда Covid-19 авыруы белән чирләгән 170 кеше реабилитация уза. Бу хакта журналистларга шәһәрнең сәламәтлек саклау идарәсе башлыгы Александр Николаев хәбәр итте.
Covid-19 белән авырган кешеләрнең сәламәтлеген торгызу белән 7нче сырхауханә һәм сугыш ветераннары өчен госпиталь белгечләре көндезге стационар шартларында шөгыльләнә. Беренче чиратта чаллылыларга биредә сулыш тренажерлары ярдәмендә дәвалау күнегүләре тәкъдим ителә.
Пациентлар шулай ук кул-аяк мускулларын ныгыту өчен дәвалау физкультурасы буенча индивидуаль дәресләргә йөри. Моннан тыш, экс-авырулар белән физиотерапевтик процедуралар үткәрелә, аларның күкрәк читлегенә массаж ясала.
Бүген Чаллыда 618 кеше коронавирус инфекциясеннән терелде.
Кызыклы яңалыкларны күзәтеп бару өчен Телеграм-каналга язылыгыз