Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы госпитальләрендә 18 кеше үпкәләрне ясалма җилләтү аппаратына тоташтырылган
Шәһәрнең яңа онкология үзәгендә ике компьютер томографы эшли башлаячак.
(Чаллы, 19 ноябрь, «Татар-информ», Эльвира Мөхәммәтдинова). Чаллы госпитальләрендә 18 кеше үпкәләрне ясалма җилләтү (ИВЛ) аппаратына тоташтырылган, пациентларның барысы да диярлек 60 яшьтән өлкәнрәк кешеләр. Бу хакта журналистларга шәһәрнең сәламәтлек саклау идарәсе җитәкчесе Александр Николаев хәбәр итте.
Чаллының сәламәтлек саклау системасы башлыгы шәһәрне медицина җиһазлары белән тәэмин итү турында сөйләде. Тиздән йогышлы авырулар хастаханәсендә компьютер томографы эшли башларга тиеш. Тагын ике компьютер томографы яңа онкология үзәгендә эшли башлаячак, хәзерге вакытта анда медицина техникасын монтажлау тәмамланып килә. Шуннан соң учреждениене пациентлар өчен ачу көне билгеләнә.
Николаев шулай ук 5нче хастаханә томографы ремонттан соң яңадан эшли башлаячагын әйтте. Ул компьютер томографының сафтан чыгуы белән бәйле уңайсызлыклар кыска вакытлы хәл икәнен һәм пациентлар белән эшләүдә өзеклек булмавын әйтте. Бу вакытта авыруларны тикшеренү өчен БСМП һәм 2нче шәһәр хастаханәсенә җибәргәннәр.
Кызыклы яңалыкларны күзәтеп бару өчен Телеграм-каналга язылыгыз