Covid-19ны ачыклауның гадәти булмаган ысулы аталды

Глюкометрның вирусны ачыклау төгәллеге 100% тәшкил итә.

(Казан, 19 октябрь, «Татар-информ»). 100 процент төгәллек белән коронавирусны ачыклауда гади глюкометр ярдәм итәчәк. Бу хакта Сан-Диегодагы Калифорния Университеты тикшеренүчеләренә сылтама белән «Известия» хәбәр итә.

Аларның мәгълүматлары буенча, тикшеренү вакытында прибор бер сәгать эчендә кеше селәгәендәге инфекцияне ачыклый алган, шулай ук зарарланган үрнәкләрне башкаларыннан уңышлы гына аерган.

Коронавирус булуга үзенчәлекле тест узу мамык таякчыгы яки башка шундый җайланмалар ярдәмендә селәгәй пробасы алудан гыйбарәт.