Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Белгечләр йөрәк-кан тамырлары авыруларыннан үлем куркынычын киметү ысулларын әйтте
Артериаль кан басымын, холестерин һәм глюкозаны даими контрольдә тотарга, артык авырлыкны күзәтеп торырга һәм начар гадәтләрдән баш тартырга кирәк.
(Казан, 19 октябрь, «Татар-информ»). Инфаркт, инсульт һәм башка йөрәк-кан тамырлары авырулары — бөтен дөньяда үлемнең иң еш сәбәбе, әмма билгеле бер тәкъдимнәрне үтәсәң, аларның барлыкка килү куркынычын киметергә мөмкин. Бу хакта «Россия 1» телеканалы эфирында кардиолог Сергей Провоторов белдерүенә сылтама белән РИА Новости хәбәр итә.
«Артериаль кан басымын, холестерин һәм глюкозаны даими контрольдә тотарга, артык авырлыкны күзәтеп торырга һәм начар гадәтләрдән баш тартырга кирәк. Үз сәламәтлегегезгә игътибар итегез, вакытында табибка барыгыз һәм йөрәк-кан тамырлары авыруларын профилактикалау белән шөгыльләнегез», — дип киңәш итте ул.
Табиб искәрткәнчә, ир-атларда мондый авыруларның кискенләшү куркынычы кырык яшьтән соң арта, хатын-кызларда менопауза башлану белән.
Йөрәк-кан тамырлары авырулары үсешенә сизелерлек йогынты ясый торган башка факторлар арасында табиб артериаль гипертензияне һәм икенче типтагы шикәр диабетын аерып күрсәтте. Моннан тыш, ул корсак өлешендә май катламнарын күзәтеп торырга киңәш итте. Кардиолог сүзләренчә, тән күләменә билне колачлау нормасыннан чыгып төзәтмәләр кертергә була: ир-атларда — 94 сантиметрга кадәр, хатын-кызларда ул 80 сантиметрга кадәр булырга тиеш.
Кызыклы яңалыкларны күзәтеп бару өчен Телеграм-каналга язылыгыз