Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ковид-чикләүләрне гамәлдән чыгару мәсьәләсе апрельгә кадәр кичектерелде
Моның сәбәбе иммунизациянең җитәрлек дәрәҗәдә булмавы һәм Татарстанда В гриппы таралу ихтималы белән бәйле.
(Казан, 19 март, «Татар-информ», Эвелина Киселёва). Яңа коронавирус инфекциясе таралуга бәйле рәвештә кертелгән чикләүләрне гамәлдән чыгару мәсьәләсе кичектерелде.
Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәче җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
«Бүгенге көндә март ахырына кадәр һәм апрельнең беренче декадасында коронавирус инфекциясе таралуга бәйле рәвештә кертелгән чикләүләрне гамәлдән чыгару мәсьәләсе тикшерелми», - дип искәртте спикер.
Мондый карарның бер сәбәбе республикада В гриппы таралу ихтималы белән бәйле. Любовь Авдонина сүзләренчә, бу – үзенчәлекле штамм, ул эпидемия сезоны ахырында үзен күрсәтә.
«Барлык кисәтү чаралары да саклана, өстәвенә әлегә иммунизациядән күмәк иммунитет та җитәрлек дәрәҗәдә түгел», - дип өстәде республика ведомствосы башлыгы урынбасары.
Хәзерге вакытта республикада ОРВИ белән авыручылар саны эпидемия бусагасыннан – 31, Казанда 33 процентка кимрәк.
«Татар-информ» агентлыгы Татарстанда әлегә җәмәгать туклануы оешмаларына төнлә эшләргә рөхсәт ителмәячәге хакында элегрәк язып чыккан иде.
Кызыклы яңалыкларны күзәтеп бару өчен Телеграм-каналга язылыгыз