Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Анна Попова: Covid-сертификатларның гамәлдә булу вакытын яңадан карарга мөмкиннәр
РФ Сәламәтлек саклау министрлыгы боерыгы нигезендә, коронавирус инфекциясен кичергән һәм прививка ясаткан кешеләрнең QR-кодлары гамәлдә булуның калган вакыты үз көчен югалтачак.
(Казан, 18 ноябрь, «Татар-информ»). Covid-сертификатларның гамәлдә булу вакыты турындагы мәсьәлә әле күп тапкырлар тикшереләчәк.
Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) башлыгы Анна Попова Дәүләт Думасының Сәламәтлек саклау комитеты утырышында шулай дип белдерде. Бу хакта РИА Новости агентлыгы хәбәр итә.
«Дөньяда әлеге сертификатларның гамәлдә булу вакыты турындагы мәсьәләгә әле күп тапкырлар әйләнеп кайтырлар дип уйлыйм...» - дип искәртте Россиянең баш санитар табибы.
Попова сүзләренчә, эш шунда ки, белгечләр гадәти йогышлы авыруларның (мисал өчен, кызамык) эпидемиологик процессын яхшы аңлый, ә «коронавирус инфекциясен без әле аңлый гына башладык».
Элегрәк билгеле булганча, РФ Сәламәтлек саклау министрлыгы боерыгы нигезендә, коронавирус инфекциясен кичергән һәм прививка ясаткан кешеләрнең QR-кодлары гамәлдә булуның калган вакыты үз көчен югалтачак.
Кызыклы яңалыкларны күзәтеп бару өчен Телеграм-каналга язылыгыз