Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда коронавирус инфекциясенә үткәрелгән тестлар саны 29 меңгә җиткән
Соңгы тәүлектә генә дә 678 тест уздырылган.
(Казан, 18 апрель, «Татар-информ»). Татарстанда коронавирус инфекциясенә 29 меңгә якын тест үткәрелгән, шуның 678е – узган тәүлектә. Бу хакта Роспотребнадзорның ТР буенча идарәсе матбугат хезмәте хәбәр итә.
Тестларны «Татарстан Республикасы гигиена һәм эпидемиология үзәге» федераль бюджет сәламәтлек саклау учреждениесе хезмәткәрләре, шулай ук республика дәүләт медицина оешмаларының 8 лабораториясендә (Казан, Чаллы һәм Түбән Кама) эшләүчеләр үткәрә.
Респиратор авыру билгеләре белән Россиягә кайткан, авырулар белән якыннан аралашкан гражданнар, хастаханәдән тыш пневмония белән авыручылар, респиратор авыру билгеләре белән медицина ярдәме сорап мөрәҗәгать иткән 65 яшьтән өлкәнрәк кешеләр, авыру йоктыру куркынычы булган төркемдәге медицина хезмәткәрләре, пациентларны даими рәвештә кабул итә торган учреждениеләрдә эшләүчеләр һәм респиратор авыру симптомнары булган очракта әлеге учреждениеләрнең хезмәткәрләре тестны мәҗбүри тәртиптә уза.
Шул ук вакытта, шәхси милек формасындагы ике лаборатория коронавирус инфекциясенә тикшеренүләрне гражданнарның теләге буенча бушлай үткәрә.
Роспотребнадзорның ТР буенча идарәсе җитәкчесе Марина Патяшина ТР Хөкүмәте йортында узган киңәшмәдә хәбәр иткәнчә, апрель аенда коронавирус инфекциясе йоктыручыларның 35 проценты гына чирне чит илдән ияртеп кайткан.
Кызыклы яңалыкларны күзәтеп бару өчен Телеграм-каналга язылыгыз