Татарстанда QR-кодларны гамәлдән чыгару мәсьәләсен карыйлар
Эпидемиологик вазгыять тотрыклылану сәбәпле, Covid-чикләүләрне бераз киметү мөмкинлеге барлыкка килгән.
(Казан, 18 февраль, «Татар-информ», Эвелина Киселева). Республикада QR-кодлар гамәлдән чыгарылырга мөмкин.
Татарстанда QR-кодларны гамәлдән чыгару турында фикер алышалар. Бу хакта «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина сөйләде.
«Әлеге мәсьәлә кайсы да булса чикләүләрне бетерү яки гамәлдән чыгару ягыннан каралачак», — дип билгеләп үтте спикер.
QR-кодларны гамәлдән чыгару мәсьәләсе карала. Эпидемиологик вазгыятьнең тотрыклылануы сәбәпле, Covid-чикләүләрне бераз киметү мөмкинлеге барлыкка килде, дип белдерде Любовь Авдонина.