Әлмәт табиблары вируслы пневмония симптомнары булган кешенең гомерен саклап калган

(Әлмәт, 17 ноябрь, «Татар-информ», «Әлмәт таңнары»). Шушы көннәрдә «Татнефть» ААҖ медсанчастенә Баулыдан 58 яшьлек пациент китерелгән. Компьютер томографиясе пациентта вируслы пневмония симптомнары барлыгын да күрсәткән.  Бу туырда район басмасы хәбәр итә.

Аның хәле бик авыр булган. Табиблар тикшерү барышында үпкә артериясенең массив тромбоэмолиясен ачыклый.

Авыруның гомерен саклау өчен табиблар кичекмәстән операция ясый башлыйлар. Операция барышында үпкә кан тамырларыннан күпсанлы тромб алганнар.