Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Вирусолог коронавируска иммунитетның ничек барлыкка килүе турында сөйләде
Covid-19 белән авырган кешедә антитәнчекләр берничә ел дәвамында барлыкка киләчәк.
(Казан, 17 октябрь, «Татар-информ», Марат Ишкильдин). Коронавируска иммунитет авырганнан соң берничә ел дәвамында сакланырга мөмкин. Бу турыда Казан федераль университетының прецизион һәм регенератив медицина фәннни-клиник үзәгенең директоры Альберт Ризванов Андрей Кузьминга биргән интервьюсында сөйләде.
«Иммунитет ныграк булыр дип уйлыйм. 2000 ел башында таралган коронавирусның SARS-CoV-1 төре берничә елга антитәнчек барлыкка китерде. Хәзерге коронавирус белән дә шул вазгыять булыр дип уйлыйм», — диде биология фәннәре докторы.
Күзәнәкләр вирусны истә калдыра һәм авыруны йоктырган очракта оператив рәвештә активлашалар һәм вируска һөҗүм итәләр. Шуңа күрә авыруны кабат йоктырган кеше җиңелрәк кичерәчәк.
«Әлегә инфекцияне кабат йоктыру турында санаулы хәбәрләр генә бар», — диде вирусолог.
Интервью тулысынча Sntat.ru сайтында чыгачак. Видеоверсияне «Татар-информ» мәгълүмат агентлыгының YouTube каналында күрергә була.
Телевизион версияне «Татарстан24» телеканалында шимбә, 18.30 сәгатьтә һәм якшәмбе, 13.30 сәгатьтә «Интервью без галстука с Андреем Кузьминым» программасында карый аласыз.
Кызыклы яңалыкларны күзәтеп бару өчен Телеграм-каналга язылыгыз