Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда коронавирустан вакцина эшләү өчен финанслау көтәләр
Тикшеренүчеләргә җәнлекләрдә тәҗрибә үткәрү өчен акча кирәк.
(Казан, 17 октябрь, «Татар-информ», Марат Ишкильдин). Татарстанда коронавирустан вакцина эшләүне дәвам итү өчен финанслау көтәләр. Бу турыда Казан федераль университетының прецизион һәм регенератив медицина фәнни-клиник үзәге директоры Альберт Ризванов Андрей Кузьминга биргән интервьюсында сөйләде.
«Хәзер безнең аденоассоцияләнгән вируска нигезләнгән препаратның икенче версиясе бар. Әлегә ул туктатылган. Бездә лаборатория үрнәге бар, әмма җәнлекләрдә тикшеренү уздыру өчен өстәмә акча кирәк, әлегә без көтәбез», — диде Альберт Ризванов.
Татарстан галимнәре вакцина эшләү проектын бу язда шәхси финанслау нәтиҗәсендә башладылар. Ике прототип эшләнде, аларның беренчесен лаборатория җәнлекләрендә сынап карадылар.
«Ул, кызганычка, җитәрлек дәрәҗәдә нәтиҗәле булмады. Препаратны эшләгәндә шулай була», — диде биология фәннәре докторы.
Аның сүзләренчә, галимнәр республикада вакцина эшләүгә дәүләт акча бирер дип өметләнә.
Интервью тулысынча Sntat.ru сайтында чыгачак. Видеоверсияне «Татар-информ» мәгълүмат агентлыгының YouTube каналында күрергә була.
Телевизион версияне «Татарстан24» телеканалында шимбә, 18.30 сәгатьтә һәм якшәмбе, 13.30 сәгатьтә «Интервью без галстука с Андреем Кузьминым» программасында карый аласыз.
Кызыклы яңалыкларны күзәтеп бару өчен Телеграм-каналга язылыгыз