Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия экспертлары Төркиядә коронавирус вазгыятен тикшерәчәк
Төркиядә һәм Танзаниядә коронавирус эпидемиясе вазгыяте катлаулы булу сәбәпле, Россия бу илләр белән авиаэлемтәне 21 июньгә кадәр туктатты.
(Казан, 16 июнь, «Татар-информ», Эвилена Киселева). Россия белгечләре илдә коронавирус вазгыятен бәяләү өчен Төркиягә барачак. Делегация Россия белән авиаэлемтәне яңарту мәсьәләсен хәл итәчәк. Бу турыда Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенә (Роспотребнадзор) сылтама белән ТАСС хәбәр итә.
«Элегрәк төзелгән килешүләр кысаларында вазгыятьне бәяләү өчен Төркиягә Россия экспертлары төркеме җибәреләчәк. Сәфәр агымдагы атна уртасында планлаштырылган. Аның нәтиҗәләре буенча авиаэлемтәне яңарту һәм туристлык хезмәтләрен күрсәтү мөмкинлеге турында карарлар кабул ителәчәк», диелә хәбәрдә.
Делегациягә Роспотребнадзор һәм аның фәнни-тикшеренү институтлары, Ростуризм һәм Россия Сәламәтлек саклау министрлыгы учреждениеләре белгечләре керде.
Белгечләр Төркиядә Covid-19 таралу белән бәйле вазгыятьне, эпидемиягә каршы чаралар һәм популяр юнәлешләрдә туристларның сәламәтлеген саклау буенча чараларны бәяләячәк.
Исегезгә төшерәбез, Россия 15 апрельдән 1 июньгә кадәр Төркия белән пассажир авиаэлемтәсен чикләде. Төркиядә һәм Танзаниядә коронавирус эпидемиясе вазгыяте катлаулы булу сәбәпле, Россия бу илләр белән авиаэлемтәне 21 июньгә кадәр туктатты, дип хәбәр иттеләр 31 майда коронавирус инфекциясе белән көрәш буенча оператив штабта.
Кызыклы яңалыкларны күзәтеп бару өчен Телеграм-каналга язылыгыз