Татарстанда коронавирус инфекциясе йоктырган кешеләр саны алты меңгә җиткән
Соңгы тәүлектә республикада коронавирус инфекциясенең 30 яңа очрагы ачыкланган.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 14 август, «Татар-информ», Эвелина Киселёва). Татарстанда соңгы тәүлектә Covid-19 коронавирус инфекциясе йоктыруның 30 яңа очрагы ачыкланган. ТР буенча Роспотребнадзор идарәсе җитәкчесе урынбасары Любовь Авдонина «Татар-информ» агентлыгында узган брифингта шулай дип белдерде.
«Узган тәүлектә республикада коронавирусның 30 яңа очрагы теркәлде. Шул рәвешле, Татарстанда әлеге инфекцияне йоктырган кешеләр саны 6 018 булды», - дип хәбәр итте спикер.
Авдонина сүзләренчә, Татарстанда 915 кеше табиблар күзәтүендә кала.
ТР сәламәтлек саклау министры урынбасары Владимир Жаворонков республикада соңгы тәүлектә коронавирус белән авырган 36 кешенең терелүен әйтте.