Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Белгечләр омикрон-штамм үзенчәлекләре турында сөйләде
«Омикрон» барыннан да бигрәк прививка ясатмаган, шулай ук авырулары булган кешеләрне зарарлый.
(Казан, 14 гыйнвар, «Татар-информ», Эвелина Киселева). «Омикрон» штаммы коронавирусның башка мутацияләре белән охшаш та, аермасы да бар. Алар турында «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде.
«Бүгенге көндә „омикрон“ның тышкы мохиттә тотрыксызлыгы төгәл аңлашыла һәм билгеле. Ул яңа коронавирус йогышын, көчле респиратор инфекцияләрен һәм гриппны профилактикалау өчен кулланыла торган барлык дезинфектантларга да сизгер», - диде спикер һәм элек кертелгән барлык чикләүләр яңа мутациягә каршы нәтиҗәле булуын өстәде.
Шулай ук Любовь Авдонина әйтүенчә, яңа штамм бик тиз йога, бигрәк тә бинада. Ковидның башка вариантларына караганда ябык бүлмәдә ул дүрт тапкыр тизрәк йога.
«Омикрон» шулай ук «дельта» белән чагыштырганда, җиңелрәк формада уза һәм үлем очраклары азрак, дип билгеләп үтелә.
«Бу температура 38 градуска кадәр күтәрелү, тамак, буыннар авырту, борын тыгылу кебек симптомнар. Гадәти респиратор инфекциясе авырулары төре кебек», — дип өстәде санитар ведомство вәкиле.
«Омикрон» барыннан да бигрәк прививка ясатмаган, шулай ук авырулары булган кешеләрне, шул исәптән шуңа бәйле патологияле, әйтик, диабет белән чирләүчеләрне зарарлый.
Кызыклы яңалыкларны күзәтеп бару өчен Телеграм-каналга язылыгыз