Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Россия Сәламәтлек саклау министрлыгы коронавирусның икенче дулкыны турында сөйләде
Ведомствоның баш инфекционисты авыруның таралуына йогынты ясаучы факторларны атады.
(Казан, 13 июль, «Татар-информ»). Covid-19 коронавирусы белән авыручыларның яңа дулкыны күтәрелүе өч факторга бәйле. Аларны Россия Сәламәтлек саклау министрлыгының баш инфекционисты профессор Владимир Чуланов санап чыкты, дип хәбәр итә ведомствоның матбугат хезмәте.
«Эпидемиянең үсеш динамикасы, шул исәптән авыруларның яңа күтәрелүе — икенче дулкын, өч гади факторга бәйле: инфекция чыганагы (авыручылар), кабул итәрлек организм (сәламәт, әле авыруны кичермәгән кешеләр) һәм инфекцияне башка кешеләргә йоктыру өчен махсус шартлар булу», — дип аңлатты белгеч.
Авыру таралуны тоткарлау өчен саклагыч битлекләр кияргә, кулларны ешрак юарга һәм социаль дистанцияне сакларга, шулай ук авыручыларны изоляцияләргә кирәк, дип билгеләп үтте Чуланов.
Кызыклы яңалыкларны күзәтеп бару өчен Телеграм-каналга язылыгыз