Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәү өлкәсендә яшәүчеләр, 15-25 июньдә ковидка каршы прививка ясатса, фатир ота ала
Лотереяда төп приз – Серпухов шәһәрендәге мәйданы 74,9 квадрат метр тәшкил иткән өч бүлмәле фатир.
(Казан, 13 июнь, «Татар-информ»). Мәскәү Хөкүмәте коронавирус инфекциясенә каршы прививка ясаткан кешеләр арасында лотерея уйната. Вакцинация узган кешеләр фатир ота алачак.
Бу хакта «Интерфакс» агентлыгы губернатор һәм өлкә Хөкүмәтенең матбугат хезмәтенә сылтама белән хәбәр итә.
«Төп шарт – прививка (беренче доза) 2021 елның 15-25 июнендә Мәскәү өлкәсе Сәламәтлек саклау министрлыгының вакцинация пунктларында ясалырга тиеш. Препаратларның теләсә кайсын ("Спутник V", "ЭпиВакКорона", "КовиВак") сайларга мөмкин», - диелә хәбәрдә.
Лотереяда төп приз – Серпухов шәһәренең «Новая пролетарка» торак комплексында мәйданы 74,9 квадрат метр тәшкил иткән өч бүлмәле фатир.
Лотереяда, теркәлү урыны нинди булуга да карамастан, Россиянең 18 яшьтән узган теләсә кайсы гражданины катнаша ала.
«Моның өчен 15-25 июньдә "Дәүләт хезмәтләре" төбәк порталында (uslugi.mosreg.ru) акция баннеры төймәсенә басарга, шуннан соң анда килешү кагыйдәләре белән риза булуыңны расларга кирәк. Аннары исем-фамилияңне, әтиеңнең исемен, туган көнеңне, паспорт, мәҗбүри медицина иминияте полисы, СНИЛС мәгълүматларын, телефон номерын һәм электрон почта адресын күрсәтү зарур. Лотереяда катнашучының адресына теркәлүен раслаган махсус код киләчәк», - диелә хәбәрдә.
Матбугат хезмәтендә искәртүләренчә, җиңүче 27 июнь көнне 19.00 сәгатьтә «360» телеканалы туры эфирында жирәбә салу ярдәмендә билгеләнәчәк.
Кызыклы яңалыкларны күзәтеп бару өчен Телеграм-каналга язылыгыз