news_header_top_970_100
16+
news_header_bot_970_100

Табиб яман шешне тавышка карап ачыклау турында аңлатты

Әгәр тавыш карлыкса һәм өч атна дәвамында бетмәсә, табибка мөрәҗәгать итегез, диде табиб.

(Казан, 12 июнь, «Татар-информ»). Британия табибы Жан-Пьер Жиннон тавышка карап онкологияне ничек ачыкларга икәнен сөйләде, дип яза РИА Новости.

Табиб сүзләренчә, калкансыман биздә яман шеш булганда, тавыш карлыгырга мөмкин. Мондый халәтне игътибарсыз калдырырга ярамый.

«Әгәр тавыш карлыкса һәм өч атна дәвамында бетмәсә, табибка мөрәҗәгать итегез», — диде табиб.

Шул ук вакытта, гади бактериаль инфекция дә тавышны карлыктырырга мөмкин, диде белгеч.

Моннан тыш, Жиннон бугаз янында шеш барлыкка килүгә, муенда лимфа төеннәре шешенүгә, йотканда авыртуга, тын алу кыенлашуга да игътибар итәргә кушты. Бу билгеләрнең һәркайсы калкансыман биз яман шеше турында кисәтергә мөмкин, диде табиб. 

autoscroll_news_right_240_400_1
autoscroll_news_right_240_400_2
news_bot_970_100