Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кытай галимнәре коронавирусның яңа симптомнары турында сөйләде
Пациентларда координация белән проблемалар, аңлаешсыз сөйләм, шулай ук баш мие кан әйләнеше бозылу, аң буталу һәм мускулларның зәгыйфьлеге күзәтелгән.
(Казан, 12 апрель, «Татар-информ»). Covid-19 коронавирусы белән авырган Кытай халкының бер өлешендә неврологик симптомнар күзәтелгән. Бу хакта JAMA Neurology басмасындагы тикшеренүләргә сылтама белән «Известия» хәбәр итә.
Уханьда коронавирус белән авырган 214 кеше турында мәгълүмат өйрәнелгән. «Тулаем алганда 36, ә чирне авыр формада узган авыруларның 46 процентында координация белән проблемалар, аңлаешсыз сөйләм, шулай ук баш мие кан әйләнеше бозылу, аң буталу һәм мускулларның зәгыйфьлеге күзәтелгән», — диелә хәбәрдә.
Шул ук вакытта авыруларның элек билгеле симптомнары да: ютәл, баш авырту һәм югары температура күзәтелгән.
Элегрәк «Татар-информ» хәбәр иткәнчә, Татарстанда коронавирус инфекциясе йоктыруның 23 яңа очрагы расланган.
Шулай ук Татарстан Республикасы Премьер-министры Алексей Песошин гражданнарның үз-үзләрен изоляцияләү режимына үзгәреш керткән карарга кул куйды. Документ нигезендә, зур система барлыкка китерә торган компанияләрне тәэмин иткән оешмалар эшен яңадан башлап җибәрергә мөмкин, шулай ук зиратларга баруны вакытлыча тыю кертелә.
Кызыклы яңалыкларны күзәтеп бару өчен Телеграм-каналга язылыгыз