Җәмгыять 11 октябрь 2020 17:32

Вирусолог коронавирус инфекциясенең гадәти булмаган яңа симптомы хакында сөйләде

Бөтендөнья сәламәтлек саклау оешмасы мәгълүматлары буенча, дөньяда коронавирус йоктырган кешеләр саны 37 миллионга якынлашып килә.

Скопировать ссылку

(Казан, 11 октябрь, «Татар-информ»). Медицина фәннәре докторы, вирусолог Анатолий Альтштейн РБКга биргән интервьюсында Британия тикшеренүчеләренең COVID-19 коронавирус инфекциясенең яңа симптомнары турындагы мәгълүматларына бәя бирде. Бу хакта РИА Новости агентлыгы хәбәр итә.

«Биредә күрсәтелгәннәр арасында, дөрестән дә, аякка чыккан кабарчыклар гадәти булмаган әйбер. Бу кызыксыну уята, монда вирусның яңа вариантлары хакында сүз барырга мөмкин», - диде ул.

Вирусолог билгеләп үткәнчә, галимнәрнең докладында күрсәтелгән бүтән симптомнар (мускулларның авыртуы һәм арыганлык) табибларга инде билгеле һәм алар вируслы респиратор инфекцияләр өчен гадәти санала.

Белгеч шулай ук хәзерге вакытта инфекциянең ихтимал симптомнары инде өйрәнелүен әйтте, шунлыктан яңа симптомнар авыруның башка вариантлары булуы турында сөйләргә мөмкин.

Бөтендөнья сәламәтлек саклау оешмасы мәгълүматлары буенча, дөньяда коронавирус йоктырган кешеләр саны 37 миллионга якынлашып килә. Соңгы тәүлектә инфекциянең 242 меңнән артык яңа очрагы ачыкланган.

Сәхифәләр

Вирусолог коронавирус инфекциясенең гадәти булмаган яңа симптомы хакында сөйләде