Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә коронавирус инфекциясен кабат йоктыру очраклары әлегә теркәлмәгән
Россия Кулланучы хокукларын яклау буенча күзәтчелек хезмәтендә (Роспотребнадзор) яңа төрдәге Сovid-19 коронавирусы белән тагын бер тапкыр авырырга мөмкинме-юкмы икәнлеге хакында сөйләделәр.
(Казан, 11 октябрь, «Татар-информ»). Россиядә коронавирус инфекциясен кабат йоктыру очраклары әлегә теркәлмәгән. Бу хакта «Российская газета» Россия Кулланучы хокукларын яклау буенча күзәтчелек хезмәте (Роспотребнадзор) башлыгы Анна Поповага сылтама белән хәбәр итә.
«Бездә әле һаман да коронавирус инфекциясенең яңадан йогуын раслаган очраклар юк – тасвирланган барлык очраклар да (алар 6) чит илгә карый. Россиядә җентекләп тикшерү үткәргәннән соң мондый очраклар расланмады», - дип белдерде федераль хезмәт җитәкчесе.
Ул ачыклык керткәнчә, вакцинадан соң барлыкка килгән иммунитет авырганнан соң хасил булган иммунитет кебек үк коронавирус инфекциясе йоктырудан саклый. Шулай да, Попова билгеләп үткәнчә, вакцинация — инфекциядән саклану өчен иң куркынычсыз алым, чөнки авырганнан соң кешедә өзлегүләр барлыкка килергә мөмкин.
Элегрәк Гамалея исемендәге үзәктә коронавируска каршы прививка ясаткан кешенең битлек киюдән кайчан баш тарта алачагы хакында сөйләгәннәр иде.
Кызыклы яңалыкларны күзәтеп бару өчен Телеграм-каналга язылыгыз