Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Коронавирус белән авырып терелгән кешеләрне кан плазмасы тапшырырга чакыралар
Республика клиник хастаханәсе табиблары Сovid-19 авырулары өчен кан бирде. Алар авырып терелгән башка кешеләрне дә бу эшкә кушылырга өнди.
(Казан, 10 ноябрь, «Татар-информ», Эвелина Киселева). Республика клиник хастаханәсендә кан плазмасы донорларын җыю турында игълан иттеләр. Бирегә яңа коронавирус инфекциясе белән авырып терелгән кешеләрне чакыралар. Бу хакта «Татар-информ»га хастаханәнең матбугат хезмәтендә сөйләделәр.
Республика клиник хастаханәсенең коронавирус белән авырып терелгән табиблары Covid-19 авыруларына ярдәм итү өчен кан плазмасын тапшырган. Клиникада әйтүләренчә, табиблар бөтен кешене дә алар үрнәгенә иярергә чакыра.
«Без Covid-19 авыруын кичергән 18 яшьтән 55 яшькә кадәрге кешеләрне инфекция белән авыручыларны дәвалауда кулланыла торган кан плазмасын тапшыру өчен чакырабыз», – дип хәбәр иттеләр матбугат хезмәтендә.
Кан бирергә теләге булган донорның Covid-19 белән авыруы турында белешмә кирәк. Әлеге процедура Оренбург тракты, 138б адресы буенча Республика клиник хастаханәсенең кан тапшыру бүлегендә башкарыла.
Донорлар эш көннәрендә 8.00-12.30 сәгатьләрдә кабул ителә. Өстәмә мәгълүматны 8 (843) 268-32-38 телефоны аша алырга мөмкин.
Кызыклы яңалыкларны күзәтеп бару өчен Телеграм-каналга язылыгыз