Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Табиблар коронавирус белән авыручыларның миендә Covid-19 эзләрен ачыклаган
Галимнәр инфекциянең үзәк нерв системасына турыдан-туры җимергеч йогынтысын ачыкламаган.
(Казан, 10 октябрь, «Татар-информ»). Табиблар коронавирус инфекциясеннән үлгән кешеләрнең яртысыннан күбрәгенең баш миендә коронавирус эзләрен тапкан. Бу хакта The Lancet журналына сылтама белән «Известия» хәбәр итә.
Тикшерүне Гамбургның университет клиникасы — Эппендорф белгечләре үткәргән. Мәгълүмат алу өчен алар Covid-19 инфекциясеннән үлгән 51яшьтән алып 94 яшьлек 43 пациентның мәетен тикшергән. Аларның мәгълүматлары буенча, тикшерелгән мәетләрнең 53 процентының баш миендә вирус эзләре табылган.
«Инфекция эзләрен баш мие кәүсәсе күзәнәкләрендә һәм аннан аерылып китүче нейроннарда ачыклаганнар. 14 процент пациентның шулай ук кан әйләнеше кимүе, ә 86 процентында — астроглиоз (астроцитларның аномаль артуы)», — диелә тикшеренү материалларында.
Авторлар сүзләренчә, баш миенә коронавирусның тәэсире бик аз. Алар инфекциянең үзәк нерв системасына турыдан-туры җимергеч йогынтысын ачыкламаган.
Кызыклы яңалыкларны күзәтеп бару өчен Телеграм-каналга язылыгыз