Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Covid-19дан вакцинацияне декабрь ахырына кадәр башларга планлаштыралар
Республиканың баш санитария табибы Россия вакцинасының сыйфатына һәм куркынычсызлыгына ышана.
(Казан, 9 декабрь, «Татар-информ», Эвелина Киселёва). Яңа коронавирус инфекциясенә каршы гражданнар вакцинациясен ел ахырына кадәр башларга планлаштыралар. Бу хакта туры эфирда Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Татарстан буенча идарәсе җитәкчесе — республиканың баш санитария табибы Марина Патяшина сөйләде.
«Шушы көннәрдә Гамалея институтының »Спутник V» вакцинасы киләчәк, дип вәгъдә ителде. Без яңа елга кадәр яңа коронавирус инфекциясенә каршы гражданлык массакүләм вакцинациясен, һәрхәлдә, бу вакцина белән башларга планлаштырабыз», — диде спикер.
Марина Патяшина өстәп әйткәнчә, безнең вакцина сыйфатлы, куркынычсыз һәм нәтиҗәле. Прививканы теләге булган һәр кеше ясата ала, мәҗбүри вакцинация турында сүз дә була алмый.
Шулай ук республиканың баш санитария табибы Татарстанда «ЭпикВакКорона» дип аталган яңа вакцина тикшерү узуын искәртте.
Кызыклы яңалыкларны күзәтеп бару өчен Телеграм-каналга язылыгыз