Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның баш терапевты ковидка каршы прививка ясарга ярамаган очракларны әйтте
Аллергия реакцияләре булганда прививка ясатуга сак карарга кирәк.
(Казан, 8 июль, «Татар-информ», Эвелина Киселева). Covid-19 авыруыннан вакцинацияләүгә вакцинаның нинди дә булса компонентына аеруча сизгерлек яки анамнездагы авыр аллергия реакцияләре керә, әмма соңгыларын гадәти аллергия белән бутарга кирәкми.
Бу хакта журналистларга вакцинация турында лекциядә ТР Сәламәтлек саклау министрлыгының штаттан тыш баш терапевты һәм Республика клиник хастаханәсенең терапия клиникасы башлыгы Диана Габделганиева сөйләде.
«Прививка ясарга ярамаган очракларга аллергик реакцияләр керә. Тик бу поллиноз, сезонлы аллергия турында түгел. Пациентлар еш кына әйткәнчә, алар аллергияле бронхит яки тузанга аллергия булганга, прививка ясатмыйбыз ,диләр. Ә болар каршы күрсәтмәләргә керми», — дип искәртте спикер.
Моннан тыш, кискен авырулар яки күптән түгел инсульт яки инфаркт кичергән кешегә, прививка ясатырга ярамый. Кискен халәттән чыкканнан соң, йогышлы авырулардан соң ике атна, ә йөрәк-кан тамырлары авыруларыннан соң бер айдан вакцинацияләнергә мөмкин.
Бавыр һәм бөерләрнең хроник авырулары, эндокрин авырулар, эпилепсия, миокардитлар, эндокардитлар, перикардитлар вакытында вакцинацияләнүгә сак карарга кирәк. Габделганиева аңлатканча, бу авырулар булганда прививка ясатырга мөмкин, ләкин авыруның иң көчле вакытында түгел. Симптомнар басылгач, прививка алырга була.
Аутоиммун авырулары һәм яман шеш авырулары булганда, авыруның минималь активлыгы яки ремиссиясе булса, вакциналаштырырга мөмкин, дип өстәде Диана Габделганиева.
Кызыклы яңалыкларны күзәтеп бару өчен Телеграм-каналга язылыгыз