Бөтендөнья сәламәтлек саклау оешмасы ковидтан соң була торган симптомнарны атады

(Казан, 7 октябрь, «Татар-информ»). Бөтендөнья сәламәтлек саклау оешмасы ковидтан соң була торган синдром билгеләрен атады.

Белгечләр мәгълүматына караганда, озакка сузылган коронавирустан соң яки ковидтан соңгы синдромнан пациентларның 10-20 проценты интегә.

Авыру коронавирус йоктырып якынча 3 ай узганнан соң үзен сиздерә һәм ике ай чамасы дәвам итә. шул ук вакытта, кискен фазалар һәм хәл яхшыру берничә мәртәбә алмашынырга мөмкин.

Табиблар әйтүенчә, хәл бетү, тын кысылу, шулай ук когнитив дисфункцияләр һәм көндәлек тормышка тәэсир итә торган башка билгеләр барлыкка килү ковидтан соңгы синдромның төп симптомнары.

Бөтендөнья сәламәтлек саклау оешмасы ясаган нәтиҗә буенча, башка диагнозларга бәйле булмаган мондый хәлне ковидтан соңгы синдром дип атарга була.