Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бөтендөнья сәламәтлек саклау оешмасы Covid сәбәпле чикләүләр кертү зарурлыгын бәяләде
Илкүләм локдаун соңгы мөмкин чара буларак каралырга тиеш, диләр халыкара оешмада.
(Казан, 7 октябрь, "Татар-информ"). Covid-19 коронавирусы таралу сәбәпле, локаль чикләү чаралары кертелергә мөмкин. Әмма илкүләм локдаун (катгый изоляция - Т-и. иск.) кертү зарурлыгы соңгы мөмкин чара буларак каралырга тиеш. Бу хакта Бөтендөнья сәламәтлек саклау оешмасы вәкиле Мелита Вуйновичка сылтама белән РИА Новости хәбәр итә.
«Хәзерге вакытта күп кенә илләрдә элек гамәлдә булган катгый чикләүләргә без соңгы мөмкин чара буларак карыйбыз. Чөнки элек вирус турында бернинди мәгълүмат та юк иде", - дип аңлатты ул халыкара оешманың ил дәрәҗәсендәге карантинга мөнәсәбәтен.
Бөтендөнья сәламәтлек саклау оешмасы вәкиле билгеле бер шартларда "локаль, вакыт буенча чикләнгән һәм сектораль чикләүләрне" кертү кирәклеген искәртте. Шул ук вакытта ул илкүләм локдаунны коронавирус белән көрәшнең универсаль сценарие түгел, ә «соңгы чара» дип бәяләде.
Вуйнович фикеренчә, тупланган белемнәр һәм тәҗрибә белән илләр икътисад һәм мәгариф системасы эшчәнлеген туктатмыйча, Covid-19га каршы көрәшен дәвам итә алачак.
Кызыклы яңалыкларны күзәтеп бару өчен Телеграм-каналга язылыгыз