Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан мәктәпләрендә коронавирус белән авыру чыганаклары юк
Яңа уку елының бер атнасында республикада бер генә сыйныфны да изоляциягә җибәрмәделәр.
(Казан, 7 сентябрь, «Татар-информ», Эвелина Киселёва). Татарстанда мәктәп укучылары, укытучылар, мәгариф учреждениеләре хезмәткәрләре яңа коронавирус инфекциясен йоктырмаган. Бу хакта «Бердәм Россия» иҗтимагый кабул итү бүлмәсендә гражданнарны онлайн-кабул итүдә Россия Кулланучы хокукларын яклау буенча күзәтчелек хезмәтенең Татарстан буенча идарәсе җитәкчесе Марина Патяшина сөйләде.
«Бүген 7 сентябрь, бер атна балалар мәктәпкә йөрде. Балалар, педагоглар, мәктәпнең башка хезмәткәре арасында да яңа коронавируслы инфекция йоктыруның бер генә очрагы да юк», — диде спикер.
Республика ведомствосы җитәкчесе искә төшергәнчә, әгәр сыйныфта балалар арасында яңа коронавирус инфекциясенең өч очрагы теркәлсә, бөтен сыйныф өй изоляциясенә җибәреләчәк.
«Бердәм Россия» партиясе рәисе Дмитрий Медведевның Татарстандагы кабул итү бүлмәсендә сәламәтлек саклау проблемалары буенча бүгенге туры эфирдан гражданнарны кабул итү атнасы башланды.
Кызыклы яңалыкларны күзәтеп бару өчен Телеграм-каналга язылыгыз