Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда табиблар коронавируска антитәнчекләргә ике хастаханәдә тикшереләчәк
Татарстан Сәламәтлек саклау министрлыгы 50 мең кешене яңа коронавирус инфекциясенә иммунитет булуга тикшерергә планлаштыра.
(Казан, 7 сентябрь, «Татар-информ», Эвелина Киселёва). Татарстанның үзәк округы буенча медицина хезмәткәрләре арасында яңа коронавирус инфекциясенә каршы антитәнчекләр булуга тикшерүне йогышлы авырулар хастаханәсе һәм шәһәрнең 7нче клиник хастаханәсе башлаячак. Бу хакта «Татар-информ» мәгълүмат агентлыгы хәбәрчесенә Татарстан сәламәтлек саклау министры урынбасары Владимир Жаворонков «Бердәм Россия» иҗтимагый кабул итү бүлмәсендә сөйләде.
«Үзәк округ буенча, ким дигәндә, ике база сайланган — бу йогышлы авырулар хастаханәсе һәм анализлар ясый торган 7нче хастаханә. Районнарга күрсәтмәләр җибәрелде, хәзер бу процессны актив эшкәртү бара», — диде министр урынбасары.
«Татар-информ» мәгълүмат агентлыгы хәбәр иткәнчә, Татарстан Сәламәтлек саклау министрлыгы халыкны Covid-19 инфекциясенә иммунитет булуга тикшерә башлаган иде.
Беренче чиратта коронавирус белән авырганны ачыклый торган G иммуноглобулины булуга медицина хезмәткәрләре тикшереләчәк.
Кызыклы яңалыкларны күзәтеп бару өчен Телеграм-каналга язылыгыз