Җәмгыять 7 июль 2021 14:25

Татарстанда коронавирус инфекциясен тагын 39 кеше йоктырган

Шулардан 35 кеше авыруны контактлы ысул белән йоктырган, калган очраклар — «читтән кертелгән».

Скопировать ссылку

(Казан, 7 июль, «Татар-информ»). Татарстанда Covid-19 инфекциясенең 39яңа очрагы теркәлгән. Бу хакта ТР Сәламәтлек саклау министрлыгы матбугат хезмәте хәбәр итә.

Шулардан 35 кеше авыруны контактлы ысул белән йоктырган, калган очраклар — «читтән кертелгән». Авыручыларның 15е хастаханәгә салынган, 24е өйдә дәвалана.

Узган тәүлектә иң күп очрак Казанда (26) ачыкланган. Чаллыда – 3, Бөгелмә һәм Питрәч районнарында икешәр, Яшел Үзән, Кукмара, Нурлат, Тукай, Чистай, Ютазы районнарында берәр кеше чир йоктырган.

7 июльгә Татарстанда Covid-19 йогышының 22 719 очрагы теркәлгән. Барлыгы 20 345 кеше, шул исәптән 16сы узган тәүлек эчендә терелгән.

Барлыгы 603 400 кеше вакциналаштырылган, шуларның 408 783е икенче прививка алган.

Сәхифәләр

Татарстанда коронавирус инфекциясен тагын 39 кеше йоктырган