Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
175нче мәктәптә фаҗигадә зыян күргән тагын бер укучыны хастаханәдән чыгардылар
Табиблар хастаханәдә калган балаларның хәлен тотрыклы дип бәяли.
(Казан, 7 июнь, «Татар-информ», Эвелина Киселева). Казанның 175нче гимназиясендәге атыш вакытында зыян күргән тагын бер укучыны Татарстанның Республика балалар клиник хастаханәсеннән чыгардылар.
Бу хакта «Татар-информ» агентлыгына Татарстан Сәламәтлек саклау министрлыгының матбугат хезмәтеннән хәбәр иттеләр.
«Республика балалар клиник хастаханәсе стационарында ике пациент дәвалануын дәвам итә, берсен чыгардылар», — дип искәрттеләр ведомствода.
Табиблар хастаханәдә калган бүтән балаларның хәлен тотрыклы дип бәяли.
ТР Сәламәтлек саклау министрлыгында искәртүләренчә, федераль клиникаларда җиде кеше (аларның дүртесе — балалар, өчесе — олылар) дәвалануын дәвам итә. «Татар-информ» агентлыгы Мәскәү клиникасыннан бер кызны чыгарулары турында элегрәк хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз