Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда соңгы тәүлектә тагын 33 кеше коронавирус инфекциясе йоктырган
Хисап чорында белгечләр коронавирус инфекциясенә 8 меңгә якын тест үткәргән.
(Казан, 7 май, «Татар-информ», Эвелина Киселева). Татарстанда соңгы тәүлектә Covid-19 коронавирус инфекциясе йоктыруның 33 яңа очрагы ачыкланган.
Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
«Узган тәүлектә Татарстан Республикасында коронавирус инфекциясенең 33 яңа очрагы теркәлде. Шул рәвешле, республикада әлеге инфекцияне йоктырган пациентлар саны 20 703 кешегә җитте», — дип хәбәр итте спикер.
Аның сүзләренчә, хисап чорында белгечләр коронавирус инфекциясенә 8 меңгә якын тест үткәргән. Авырулар белән аралашкан 3 мең кеше һәм коронавирус инфекциясенә охшаган симптомнар күзәтелгән пациентларны табиблар күзәтеп тора.
ТР сәламәтлек саклау министры урынбасары Владимир Жаворонков билгеләп үткәнчә, Татарстанда коронавирустан 17 меңнән артык кеше (шуларның 24е – узган тәүлектә) терелгән.
Кызыклы яңалыкларны күзәтеп бару өчен Телеграм-каналга язылыгыз