Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Covid-19 инфекциясенең 57 яңа очрагы ачыкланган
Гадәттәгечә, вирус йоктыру очракларының күбесе Казанга туры килә.
![Татарстанда Covid-19 инфекциясенең 57 яңа очрагы ачыкланган](https://tatar-inform.tatar/resize/shd/images/uploads/news/2020/11/6/ca98c0f2d09686bb600ee6a634b4f4c9ccd3e3595dd1232f99c2ec70309c.jpg)
(Казан, 6 ноябрь, «Татар-информ»). Узган тәүлектә Татарстанда COVID-19 коронавирусы белән 57 кеше зарарланган. Барлык очракта аларның вирусны авыру кешеләрдән йоктыруы булуы билгеле. Бу хакта ТР Сәламәтлек саклау министрлыгы матбугат хезмәте хәбәр итә.
«11 кеше хастаханәгә урнаштырылды, 46 кеше өйдә дәвалана», — дип сөйләделәр матбугат хезмәтендә.
Авыручыларның күбесе 30дан 50 яшькәчә кешеләр — 19, икенче урында — 50-60 яшьлекләр — 15 кеше. 60-70 яшьлекләр дә бар — 12 очрак теркәлгән.
Гадәттәгечә, вирус йоктыру очракларының күбесе Казанга туры килә — 27 кеше. Әлмәт районында — 7, Чаллыда 5 кешедә авыру ачыланган.
Соңгы мәгълүматларга караганда, республикада COVID-19 инфекциясен йоктырган 8 706 пациент теркәлгән. Барлыгы 7 713 кеше сәламәтләнгән, шул исәптән 37се — узган тәүлектә.
Кызыклы яңалыкларны күзәтеп бару өчен Телеграм-каналга язылыгыз