Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эпидемиолог ковид белән авырганнан соң инфаркт һәм инсульт куркынычы хакында кисәтте
Коронавирус инфекциясе кичергән кайбер пациентларда озак вакыт дәвамында төрле клиник симптомнар саклана.
(Казан, 6 август, «Татар-информ»). Коронавирус инфекциясе үпкәдә кабат элекке хәленә кайтмый торган үзгәрешләр формалашуга китерергә, шуннан соң кеше инвалид калырга мөмкин.
Бу хакта РИА Новости агентлыгы Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) «Эпидемиология үзәк фәнни-тикшеренү институты» федераль бюджет фән учреждениесенең клиник эшчәнлек буенча директор урынбасары Антонина Плоскиревага сылтама белән хәбәр итә.
«Коронавирус инфекциясе кичергәннән соң үпкәдә кабат элекке хәленә кайтмый торган үзгәрешләр (фиброз) формалашырга, инфаркт һәм инсульт үсеш алырга, боларның барысы да пациентларның инвалид калуына китерергә мөмкин», - диде Плоскирева.
Ул билгеләп үткәнчә, коронавирус инфекциясе кичергән кайбер пациентларда, хастаханәдә дәвалану таләп ителү-ителмәүгә дә карамастан, озак вакыт дәвамында төрле клиник симптомнар, шул исәптән астеник синдром һәм респиратор симптомнар (беренче чиратта, ютәл) саклана. Күпчелек пациентларда мондый үзгәрешләр кайтма характерга ия, дип искәртте Плоскирева.
Кызыклы яңалыкларны күзәтеп бару өчен Телеграм-каналга язылыгыз