Инфекционист Сovid-19 белән авыручылар саны арту сәбәбен аңлатты

Ял көннәрендә кешеләр тестларны сирәгрәк ясата, димәк, дүшәмбе һәм сишәмбе көннәрендә теркәлгән очракларның саны азрак, дип искәртте эксперт.

(Казан, 5 декабрь, «Татар-информ»). Белгечләр фикеренчә, кайбер төбәкләрдә коронавирус инфекциясе белән зарарланган кешеләр саны Яңа елга кадәр һәм аннан соң да артуы ихтимал. Бу хакта инфекционист Евгений Тимаковка сылтама белән РИА Новости хәбәр итә.

Аның сүзләренчә, авыручылар саны үсеше кәкресе синусоида рәвешендә бара. Ул тикшерүләрнең санына турыдан-туры бәйле. Шулай итеп, ял көннәрендә кешеләр тестны сирәгрәк ясата, димәк, дүшәмбе һәм сишәмбе көннәрендә теркәлгән очракларның саны түбәнрәк. Тестларның күп өлеше атнаның беренче яртысына туры килә, димәк, пәнҗешәмбе, җомга һәм шимбә көннәрендә Covid-19 тесты уңай булган гражданнар күбрәк ачыклана.

«Һәм бу синусоида ике ай дәвамында тотрыклы, стандарт. Әгәр без бу вакыт эчендә кәкренең сөзәк өлешен карасак, без авырулар санының артуын күрәбез, әмма ул экспонента буенча түгел, ә акрынлап бара», — дип аңлатты белгеч.

Тимаков Яңа елга кадәр тәүлеклек үсеш 30 мең очракка кадәр җитәргә мөмкин, дип саный, әмма бу сан ул вакытка күпме кешенең вируска бирешүчәнлегенә бәйле булачак.