Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә ясалган коронавируска каршы вакцина Татарстанга көз азагында китереләчәк
Республика вице-премьеры Ләйлә Фазлыева әлеге вакцинаның коронавирус инфекциясеннән коткарачагына ышана.
(Казан, 5 сентябрь, «Татар-информ», Динара Прокопьева). Яңа коронавирус инфекциясенә каршы Россиядә җитештерелгән вакцинаны Татарстанга октябрь-ноябрь айларында китерергә мөмкиннәр. Республика вице-премьеры Ләйлә Фазлыева Андрей Кузьминга биргән интервьюсында шулай дип белдерде.
«Хәзер клиник сынауларның өченче этабы хакында сүз бара. Якын көннәрдә Россия вакцинасы Татарстанга кайтып җитәр дип көтелә. Бу октябрь-ноябрь айларында булыр дип вәгъдә итәләр», - дип җавап бирде Фазлыева вакцинаны Татарстанга кайчан китерәчәкләр дигән сорауга.
Фазлыева Россия галимнәренең иҗат җимеше коронавирус инфекциясеннән чыннан да коткарыр дип ышана, әмма биредә берничә шарт бар. Беренчедән, вакцина тиешле барлык клиник сынауларны узарга, икенчедән, РФ Сәламәтлек саклау министрлыгы һәм Россия Кулланучы хокукларын яклау буенча күзәтчелек хезмәте (Роспотребнадзор) рөхсәтен алырга тиеш.
Август аенда РФ Президенты Владимир Путин Россиядә Covid-19 коронавирусына каршы дөньяда беренче вакцина теркәлүе турында игълан итте. Аңа «Спутник V» дигән исем бирелде.
Ләйлә Фазлыева белән интервьюны sntat.ru сайтында укыгыз. Видеоверсиясе белән «Татар-информ» агентлыгының YouTube видеохостингындагы каналында танышырга мөмкин. Тамашачылар әңгәмәнең телевизион вариантын «Андрей Кузьмин белән галстуксыз интервью» программасында шимбә көнне – 18.30, якшәмбе көнне 13.30 сәгатьтә карый ала.
Кызыклы яңалыкларны күзәтеп бару өчен Телеграм-каналга язылыгыз