Татарстанда соңгы тәүлектә коронавирус инфекциясе йоктыруның 95 яңа очрагы ачыкланган
Республикада бер тәүлек эчендә 83 кеше терелгән.
(Казан, 14 декабрь, «Татар-информ», Эвелина Киселёва). Татарстанда соңгы тәүлектә Covid-19 коронавирус инфекциясе йоктыруның 95 яңа очрагы ачыкланган. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
«Узган тәүлектә республикада яңа коронавирус инфекциясенең 95 яңа очрагы теркәлде. Шул рәвешле, әлеге инфекцияне йоктырган кешеләрнең гомуми саны 11 мең 597гә җитте», - диде спикер.
Авдонина сүзләренчә, бер тәүлек эчендә белгечләр коронавируска 8 мең 268 тест үткәргән. 1721 кеше табиблар күзәтүендә кала.
ТР сәламәтлек саклау министры урынбасары Фәридә Яркәева Татарстанда бер тәүлек эчендә 83 кешенең коронавирустан терелүен әйтте.