Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада коронавирус вазгыяте турында сөйләштеләр
Район буенча вакцинацияләнергә тиешле 171 мең кешенең 145 меңе прививка ясаткан.
(Казан, 4 декабрь, «Татар-информ»). Хакимият йортында узган матбугат конференциясендә Түбән Кама шәһәре һәм район җирлегендә коронавируска бәйле вазгыять турында сөйләштеләр. Бу турыда Түбән Кама муниципаль районы рәсми сайтында хәбәр ителә.
Сәламәтлек саклау идарәсе җитәкчесе Сергей Мерясев сүзләренчә, бүгенге көндә госпитальдә барлыгы 300 урын бар, биредә 125 кеше дәвалану уза. Киләчәктә 170 урынны, госпитальдән чыккан кешеләр тернәкләнү үтсен өчен, терапия бүлегенә күчерергә планлаштыралар. Элегрәк госпитальгә көненә утызар кеше салсалар, хәзер — 10-15 кеше. Аларның 80 проценты — әлегә вакцина кадатмаган өлкән буын кешеләре.
Район буенча вакцинацияләнергә тиешле 171 мең кешенең 145 меңе прививка ясаткан. Диспансер исәбендә торучы 60 яшьтән өлкәнрәк 55 мең кешенең, кызганыч, әле 32 меңе генә вакцинацияләнгән. Булачак әниләр дә прививка ясатырга ашыкмый. Хатын-кызлар консультациясендә бүгенге көндә 1500 йөкле кеше исәптә тора, шуларның 140 ы гына вакцина кадаткан.
Балалар арасында салкын тиюләр күбәюе дә борчу тудыра, күрсәткеч соңгы өч атна эчендә берничә тапкыр арткан. Россия кулланучылар күзәтчелеге җирле идарәсе башлыгы урынбасары Лилия Нестерова сүзләренчә, мәктәпләрдә карантинга ябылган сыйныфлар да бар. Күмәк иммунитет булдыру максатыннан, эш урыннарында прививка ясатуга аерым әһәмият бирелә. Вакцинация ясатмаучылар яки медицина белешмәсе булмаучылар 7 декабрьдән эштән читләштереләчәк.
Билгеле булганча, 22 ноябрьдән транспортта йөрү өчен QR-кодлар кертелде. Шуңа бәйле рәвештә, беренче көннәрдә 1136 кешенең социаль юл картасы вакытлыча гамәлдән чыгарылган. 29 ноябрьгә социаль картадан файдаланучылар саны 701гә калган.
Тикшерүләр барышында хокук бозучылар да табылган. Хәзер транспортта көненә 10-15 QR-кодсыз кеше ачыклана. Шул ук вакытта пассажирлар агымы 30 процентка кимегән.
Бу чорда полиция рейдлар барышында өч кешегә административ беркетмә төзегән, материаллар судка тапшырылган. Әмма рейдлар дәвам итәчәк һәм тәртип бозучылар җаваплылыкка тартылачак.
Кызыклы яңалыкларны күзәтеп бару өчен Телеграм-каналга язылыгыз