Татарстанда соңгы тәүлектә коронавирус инфекциясе йоктыруның 86 яңа очрагы ачыкланган

Эпидемия башланганнан алып республикада коронавирус инфекциясенең 10 687 очрагы теркәлгән.

(Казан, 4 декабрь, «Татар-информ», Арсений Кәримов). Татарстанда соңгы тәүлектә Covid-19 коронавирус инфекциясе йоктыруның 86 яңа очрагы ачыкланган. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат сәркатибе Миләүшә Җамалиева «Татар-информ» агентлыгында узган матбугат конференциясендә шулай дип белдерде.

«Узган тәүлектә республикада яңа коронавирусның 86 очрагы теркәлде. Шул рәвешле, инфекция йоктыручыларның гомуми саны 10 687гә җитте», - дип хәбәр итте ул.

Татарстан сәламәтлек саклау министры урынбасары Владимир Жаворонков искәрткәнчә, бер тәүлек эчендә республикада 64 кеше коронавирустан терелгән.