Татарстанда тагын 34 кеше коронавирус инфекциясе йоктырган

Казанда – тугыз, Чаллыда сигез очрак теркәлгән.

(Казан, 4 апрель, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 34 яңа очрагы ачыкланган.

ТР Сәламәтлек саклау министрлыгының матбугат хезмәтеннән хәбәр итүләренчә, аларның бөтенесе дә чирне башка авырулар белән аралашу нәтиҗәсендә эләктергән.

«13 кеше хастаханәгә озатылган, 21 кеше өендә дәвалана», - диелә ведомство хәбәрендә.

Казанда – тугыз, Чаллыда – сигез, Түбән Кама районында – дүрт, Бөгелмә районында – өч, Баулы районында – ике, Әгерҗе, Азнакай, Алексеевск, Арча, Баулы, Лаеш, Менделеевск һәм Тукай районнарында берәр очрак ачыкланган.

Пандемия башланганнан алып республикада коронавирус инфекциясенең 19,6 меңгә якын очрагы теркәлгән, 16,6 меңгә якын кеше (шуларның 15е – узган тәүлектә) терелгән.