Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Хөкүмәт коронавируска каршы прививка ясатканда ял тәкъдим итү турында киңәш бирмәгән
Татарстан оешмалары вакцинация узган хезмәткәрләр өчен ял бирү турында карарны үзләре кабул итә алачак.
(Казан, 4 март, «Татар-информ», Диләрә Галиева). Татарстан Хөкүмәте республика оешмаларына коронавируска каршы прививка ясаткан хезмәткәрләргә ял тәкъдим итү турында киңәш бирмәгән.
ТР Президентының матбугат хезмәте җитәкчесе Лилия Галимова брифингта хәбәр иткәнчә, Татарстан компанияләре һәм дәүләт органнары бу очракта ял бирү-бирмәү мәсьәләсен үзләре хәл итәргә хокуклы.
«Бу җәһәттән без бернинди киңәш тә бирмәдек. Эш бирүче мондый карарны үзе кабул итә ала. Без барысын да мәҗбүр итә алмыйбыз, моның бернинди мәгънәсе дә юк. Бу – эш бирүченең үз карары», - дип искәртте Галимова.
Спикер сүзләренчә, журналистның соравында искә алынган ике көн ял берничек тә коткармаячак. Галимова вакцинаның беренче һәм икенче дозасын алганнан соң сәламәтлеккә аеруча игътибарлы булырга кирәклеген искәртте.
Кызыклы яңалыкларны күзәтеп бару өчен Телеграм-каналга язылыгыз