Россиядә коронавирус аркасында илдән медицина битлекләре алып чыгуны тыйдылар

Россия Хөкүмәте карары 1 июньгә кадәр гамәлдә булачак.

(Казан, 4 март, «Татар-информ»). Россия Министрлар Кабинеты коронавирус вазгыяте фонында илдән битлек һәм башка медицина әйберләрен чыгаруны тыйган. Тиешле карар Россия Хөкүмәте сайтында басылып чыкты.

Тыю россиялеләр шәхси куллану өчен булган товарларга, шулай ук гуманитар ярдәмгә кагылмаячак.

Исемлеккә шулай ук бинтлар, марля, мамык, бахилла, бер тапкыр кулланыла торган костюмнар һәм химик саклану комбинезоннары, күзлек, ресираторлар, вируска каршы препаратлар һәм башка товарлар керде.

Тыю 1 июньгә кадәр дәвам итәчәк.