Белгеч дөньяда Covid-19 вазгыяте яхшырачак вакытны фаразлады
Санитар-эпидемиологик вазгыятьне яхшырту халыкны вакциналаштыруга һәм вирустан нәтиҗәле препаратлар булдыруга турыдан-туры бәйле.
(Казан, 4 гыйнвар, «Татар-информ»). Дөньяда коронавирус йогышы белән бәйле вазгыятьтә үзгәрешләрне 2022 ел ахырына көтәргә кирәк. Бу хакта Йогышлы авырулар өлкәсендәге белгечләр халыкара ассоциациясе президенты, йогышлы авырулар буенча Сәламәтлек саклау министрлыгының элеккеге штаттан тыш баш белгече Ирина Шестаковага сылтама белән РИА Новости агентлыгы хәбәр итте.
«Якындагы ике-ике ел ярым эчендә бу хәлне үзгәртәчәкбез (Covid -19 белән – Т-и иск.). Минем уйлавымча, 2022 ел уртасы тирәсендә, ел ахырына бөтен җирдә дә хәл үзгәрер < ... >. Мин, әлбәттә, коронавирусның бүгенге көндәге кебек актуаль булмаячагын күздә тотам», — дип искәртте белгеч.
Аның сүзләренчә, дөньядагы санитар-эпидемиологик хәлнең яхшыруы халыкны вакциналаштыруга һәм вируска каршы нәтиҗәле препаратлар булдыруга турыдан-туры бәйле, диелә бу хәбәрдә.