Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эксперт коронавируска каршы прививканың көмәнле хатыннар өчен зыянлы булмавын әйтте
Вакцинациянең яралгыга йогынтысы хакында җитәрлек мәгълүматлар тупланды, диде академик Арег Тотолян.
(Казан, 3 июль, «Татар-информ»). Көмәнле хатыннар коронавирус инфекциясенә каршы үз вакытында прививка ясаткан очракта, бу булачак ананың сәламәтлеген дә, баланы да инфекциянең авыр нәтиҗәләреннән саклаячак.
Бу хакта «Интерфакс» агентлыгы Пастер исемендәге Санкт-Петербург эпидемиология һәм микробиология фәнни-тикшеренү институты директоры, Россия Фәннәр академиясе академигы Арег Тотолянга сылтама белән хәбәр итә.
«Бүген инде без вакцинациянең көмәнле хатыннар өчен куркыныч тудырмавы турында зур ышаныч белән әйтә алабыз. Вакцинациянең яралгыга йогынтысы хакында җитәрлек мәгълүматлар тупланды. Шуңа күрә булачак аналарны үз вакытында иммунизацияләү — әни кешене дә, сабыйны да коронавирус инфекциясенең авыр нәтиҗәләреннән (бала төшерүгә кадәр) саклауда ышанычлы мөмкинлек», — диде Тотолян журналистларга.
Кызыклы яңалыкларны күзәтеп бару өчен Телеграм-каналга язылыгыз