Җәмгыять 3 май 2020 14:09

Галимнәр Covid-19тан кеше күп үлүнең яңа сәбәпләрен әйтте

Тикшеренүчеләр коронавирустан үлү очраклары күп теркәлгән илләрдә гражданнарга D витамины җитмәвен теркәгән.

Скопировать ссылку

(Казан, 3 май, «Татар-информ»). Кайбер илләрдә коронавирустан үлем очраклары күп теркәлгән, чөнки кешеләрнең организмында D витамины җитмәү күзәтелә. Патшабикә Елизавета хастаханәсе фонды һәм Көнчыгыш Англия университеты галимнәре шул хакта белдергән. Бу турыда Research Square журналына сылтама белән РИА Новости хәбәр итә.

Экспертлар Европаның 20 илендәге гражданнарда D витаминының уртача дәрәҗәсен коронавирустан үлүчеләр саны статистикасы белән чагыштырдылар. Алар бу күрсәткечләр үзара бәйләнештә дигән нәтиҗәгә килде. Гражданнар витаминга кытлык кичергән илләрдә үлү очраклары күбрәк булганы күзәтелгән.

Кешедә витаминның иң түбән дәрәҗәсе Испания, Италия һәм Швейцариядә яшәүчеләрдә теркәлгән. Моннан тыш, матдәнең җитмәве еш кына Covid-19 иң еш корбаннары булган өлкән яшьтәге кешеләрдә күзәтелә.

Хәзерге вакытта галимнәр биологик актив матдәләр ярдәмендә коронавирусны профилактикалау буенча киңәшләр әзерли.

Сәхифәләр

Галимнәр Covid-19тан кеше күп үлүнең яңа сәбәпләрен әйтте