Җәмгыять 3 апрель 2020 11:31

Татарстанда коронавирус инфекциясе йоктыруның тагын алты яңа очрагы теркәлгән

Инфекция эләктергән кешеләрнең барысы да хастаханәдә, аларның хәле канәгатьләнерлек дип әйтерлек.

Скопировать ссылку

(Казан, 3 апрель, «Татар-информ»). Татарстанда Covid-19 коронавирус инфекциясе йоктыруның тагын алты яңа очрагы теркәлгән. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.

«Вирус Франция, Германия һәм Швейцариядән кайткан татарстанлыларда ачыкланды. Аларның хәле канәгатьләнерлек дип әйтерлек, температуралары юк. Барысы да табиблар күзәтүендә, моңа кадәр карантинда булганнар», - дип ачыклык кертте ул.

Роспотребнадзор мәгълүматларыннан күренгәнчә, бүгенге көндә дөньяда коронавирус инфекциясе йоктыруның 1 миллионнан артык очрагы теркәлгән, бер тәүлек эчендә аны 80,4 мең кеше эләктергән. Россиядә Covid-19 коронавирусы йоктыруның 3,5 мең очрагы теркәлгән, шуның 771е – соңгы тәүлектә.

#Үз-үзеңне изоляцияләү #Коронавирус буенча карантин

Сәхифәләр

Татарстанда коронавирус инфекциясе йоктыруның тагын алты яңа очрагы теркәлгән